Poetry Explorer- Classic Contemporary Poetry, BONNIE LESLEY, by ROBERT BURNS


Poetry Explorer

Classic and Contemporary Poetry

BONNIE LESLEY, by                 Poet Analysis     Poet's Biography
First Line: O saw ye bonnie lesley
Last Line: There's nane again sae bonnie.
Subject(s): Absence; Love; Separation; Isolation


O, saw ye bonnie Leslie
As she gaed o'er the border?
She's gane, like Alexander,
To spread her conquests farther.
To see her is to love her,
And love but her forever;
For nature made her what she is,
And ne'er made sic anither!
Thou art a queen, fair Leslie,
Thy subjects we, before thee;
Thou art divine, fair Leslie,
The hearts o' men adore thee.
The deil he could na scaith thee,
Or aught that wad belang thee;
He'd look into thy bonnie face,
And say, "I canna wrang thee!"
The Powers aboon will tent thee;
Misfortune sha' na steer thee;
Thou 'rt like themselves sae lovely
That ill they'll ne'er let near thee.
Return again, fair Leslie,
Return to Caledonie!
That we may brag we hae a lass
There's nane again sae bonnie.




Discover our Poem Explanations and Poet Analyses!


Other Poems of Interest...
Home: PoetryExplorer.net