Poetry Explorer- Classic Contemporary Poetry, TAM I' THE KIRK, by VIOLET JACOB


Poetry Explorer

Classic and Contemporary Poetry

TAM I' THE KIRK, by                     Poet's Biography
First Line: O jean, my jean, when the bell ca's the congregation
Last Line: "cryin' ""jean, jean, jean!"
Alternate Author Name(s): Kennedy Erskine, Violet
Subject(s): Love


O JEAN, my Jean, when the bell ca's the congregation,
Owre valley an' hill wi' the ding frae its iron mou',
When a'body's thochts is set on his ain salvation,
Mine's set on you.

There's a reid rose lies on the Buik o' the Word afore ye
That was growin' braw on its bush at the keek o' day,
But the lad that pu'd yon flower i' the mornin's glory
He canna pray.

He canna pray; but there's nane i' the kirk will heed him
Whaur he sits his lane at the side o' the wa'.
For nane but the reid rose kens what my lassie gie'd him:
It an' us twa!

He canna sing for the sang that his ain he'rt raises,
He canna see for the mist that's afore his een,
And a voice drouns the hale o' the psalms an' the paraphrases,
Cryin' "Jean, Jean, Jean!"





Discover our Poem Explanations and Poet Analyses!


Other Poems of Interest...
Home: PoetryExplorer.net