Classic and Contemporary Poetry
LAMENT OF MARY, QUEEN OF SCOTS, ON THE APPROACH OF SPRING, by ROBERT BURNS Poet Analysis Poet's Biography First Line: Now nature hangs her mantle green Last Line: Bloom on my peaceful grave! Subject(s): Courage; Lament; Mary, Queen Of Scots (1542-1587); Valor; Bravery; Mary Stuart | ||||||||
Now Nature hangs her mantle green On every blooming tree, And spreads her sheets o' daisies white Out o'er the grassy lea; Now Phoebus cheers the crystal streams, And glads the azure skies; But nought can glad the weary wight That fast in durance lies. Now laverocks wake the merry morn Aloft on dewy wing; The merle, in his noontide bow'r, Makes woodland echoes ring; The mavis wild wi' mony a note, Sings drowsy day to rest: In love and freedom they rejoice, Wi' care nor thrall opprest. Now blooms the lily by the bank, The primrose down the brae; The hawthorn's budding in the glen, And milk-white is the slae: The meanest hind in fair Scotland May rove their sweets amang; But I, the Queen of a' Scotland, Maun lie in prison strang. I was the Queen o' bonnie France, Where happy I hae been; Fu' lightly raise I in the morn, As blythe lay down at e'en: And I'm the sov'reign of Scotland, And mony a traitor there; Yet here I lie in foreign bands, And never-ending care. But as for thee, thou false woman, My sister and my fae, Grim Vengeance yet shall whet a sword That thro' thy soul shall gae; The weeping blood in woman's breast Was never known to thee; Nor th' balm that draps on wounds of woe Frae woman's pitying e'e. My son! my son! may kinder stars Upon thy fortune shine; And may those pleasures gild thy reign, That ne'er wad blink on mine! God keep thee frae thy mother's faes, Or turn their hearts to thee: And where thou meet'st thy mother's friend, Remember him for me! O! soon, to me, may Summer suns Nae mair light up the morn! Nae mair to me the Autumn winds Wave o'er the yellow corn? And, in the narrow house of death, Let Winter round me rave; And the next flow'rs that deck the Spring, Bloom on my peaceful grave! | Discover our Poem Explanations and Poet Analyses!Other Poems of Interest...ALAS! POOR QUEEN by MARION ANGUS MARY, QUEEN OF SCOTS by HENRY GLASSFORD BELL THE DAUGHTER OF DEBATE by ELIZABETH I THE TRAGIC MARY QUEEN OF SCOTS: 1 by KATHERINE HARRIS BRADLEY QUEEN MARY AT FOTHERINGAY by AMELIA JOSEPHINE BURR ON LOCH LEVEN by CHRISTIAN CARSTAIRS ON THE EXECUTION OF MARY QUEEN OF SCOTS by LUCRETIA MARIA DAVIDSON FAREWELL TO FRANCE by SARAH HAMILTON A BARD'S EPITAPH by ROBERT BURNS A POET'S WELCOME TO HIS LOVE-BEGOTTEN DAUGHTER by ROBERT BURNS |
|