Classic and Contemporary Poetry
ON A SCOTCH BARD, GONE TO THE WEST INDIES, by ROBERT BURNS Poet Analysis Poet's Biography First Line: A'ye wha live by sowps o' drink Last Line: Tho' owre the sea! Subject(s): Jamaica, West Indies; Poetry & Poets | ||||||||
A' ye wha live by sowps o' drink, A' ye wha live by crambo-clink, A' ye wha live and never think, Come, mourn wi' me! Our billie 's gien us a' a jink, An' owre the sea! Lament him a' ye rantin core, Wha dearly like a random splore; Nae mair he'll join the merry roar; In social key; For now he's taen anither shore. An' owre the sea! The bonnie lasses weel may wiss him, And in their dear petitions place him: The widows, wives, an' a' may bless him Wi' tearfu' e'e; For weel I wat they'll sairly miss him That's owre the sea! O Fortune, they hae room to grumble! Hadst thou taen aff some drowsy bummle, Wha can do nought but fyke an' fumble, 'Twad been nae plea; But he was gleg as ony wumble, That's owre the sea! Auld, cantie Kyle may weepers wear, An' stain them wi' the saut, saut tear; 'Twill mak her poor auld heart, I fear, In flinders flee: He was her Laureat mony a year, That's owre the sea! He saw Misfortune's cauld nor-west Lang mustering up a bitter blast; A jillet brak his heart at last, Ill may she be! So, took a berth afore the mast, An' owre the sea. To tremble under Fortune's cummock, On a scarce a bellyfu' o' drummock, Wi' his proud, independent stomach, Could ill agree; So, row't his hurdies in a hammock, An' owre the sea. He ne'er was gien to great misguidin, Yet coin his pouches wad na bide in; Wi' him it ne'er was under hiding; He dealt it free: The Muse was a' that he took pride in, That's owre the sea. Jamaica bodies, use him weel, An' hap him in cozie biel: Ye'll find him aye a dainty chiel, An' fou o' glee: He wad na wrang'd the vera deil, That's owre the sea. Farewell, my rhyme-composing billie! Your native soil was right ill-willie; But may ye flourish like a lily, Now bonilie! I'll toast you in my hindmost gillie, Tho' owre the sea! | Discover our Poem Explanations and Poet Analyses!Other Poems of Interest...ENVY OF OTHER PEOPLE'S POEMS by ROBERT HASS THE NINETEENTH CENTURY AS A SONG by ROBERT HASS THE FATALIST: TIME IS FILLED by LYN HEJINIAN OXOTA: A SHORT RUSSIAN NOVEL: CHAPTER 192 by LYN HEJINIAN LET ME TELL YOU WHAT A POEM BRINGS by JUAN FELIPE HERRERA JUNE JOURNALS 6/25/88 by JUAN FELIPE HERRERA FOLLOW ROZEWICZ by JUAN FELIPE HERRERA HAVING INTENDED TO MERELY PICK ON AN OIL COMPANY, THE POEM GOES AWRY by HICOK. BOB A BARD'S EPITAPH by ROBERT BURNS A POET'S WELCOME TO HIS LOVE-BEGOTTEN DAUGHTER by ROBERT BURNS |
|