Poetry Explorer- Classic Contemporary Poetry, SONG: THE COUTHIE AULD MAN, by JANET HAMILTON


Poetry Explorer

Classic and Contemporary Poetry

SONG: THE COUTHIE AULD MAN, by                     Poet's Biography
First Line: Wi' a blush an' a glint o' true luve frae her e'e
Last Line: But they're aye just as sweet to the couthie auld man.
Alternate Author Name(s): Hamilton, Janet Thompson
Subject(s): Love; Man-woman Relationships; Male-female Relations


WI' a blush an' a glint o' true luve frae her e'e,
Her bonnie white haunie, sae saft an' sae wee,
A' tremlin' she laid in my braid, waukit loof:
I'm yours, John, for ever—tak' that for the proof.

My heart it gaed duntin'; oh, funeuch and fain
Was I whan I ca'd the dear lassock my ain;
An' the saft haun I chirted, and pree'd the wee mou'
Sae rosy an' rich wi' luve's sweet honey-dew.

The auld wife consented, the auld man an' a',
Tae gie me their dochter, an' blest was my fa';
Tho' my luve an' their blessin' was a' the bride's gear,
We've throught weel an' thriven this mony a year.

We ha'e a bit mailin wi' whilk ye can fen,
We've sax bonnie bairns grown to women an' men,—
My lassocks are winsome, an' warkrife, an' douce,
An' my callans, gude sain them, are stoops o' the hoose.

An' noo the white haunie is runkled and lean,
An' dim is the licht in the luve glintin' een,
An' the rich rosy lips noo are wallow't and wan,
But they're aye just as sweet to the couthie auld man.





Discover our Poem Explanations and Poet Analyses!


Other Poems of Interest...
Home: PoetryExplorer.net