Classic and Contemporary Poetry
SPUNKIE, by JANET HAMILTON Poet's Biography First Line: Oh, what's come o' spunkie? Last Line: In the darkest o' nichts it shines on the way. Alternate Author Name(s): Hamilton, Janet Thompson Subject(s): Family Life; Relatives | ||||||||
OH, what's come o' Spunkie? can naebody tell Whaur it dances an' blinks at e'en on the fell? It's lang since I saw the bit flickerin' licht Skippin' roun' the bog holes an' mosses at nicht. The lichts o' langsyne are noo laid on the shelf, An' maybe they've smoor't the wee wannerin' elf, Or sous'd the bit Spunk in some broun mossy stank, Sae deep that it canna win up to the bank. Oor auld faithers thocht that some uncanny thing Gaed dancin' wi' Spunkie, puir bodies to bring Wha tint the richt gate, in the dark howe o' nicht Into danger an' dool wi' his cheatrie licht. A tale aboot Spunkie I here hae to tell, It was frae my mither's ain lips that it fell: Her grannie, she said, a guid mither an' wife, Had followed the imp to the loss o' her life. On the muir she had wanner't ae misty hairst nicht, An' saw no far distant a waverin' licht; That licht is a lamp in some winnock, thocht she, I wonner wha auchts it, but sune I s'all see. She never cam' hame, but they trackit her feet To the moss; it was there wi' death she did meet, In a boggy well-e'e owre heid she had sunk, Beguiled by the licht o' the wannerin' Spunk. Auld Spunkie's sair wyted for mony misdeeds; His wild licht ne'er guides us, but aften misleads; When wanner't in darkness an' oot o' the way, It dances and dazzles to lead us astray. There's mony a Spunkie that dazzles oor e'en, An' dances before us to ruin, I ween; Tak' tent o' the Spunkie that wilders the brain That leads ye to danger, to poortith, an' pain. There's a licht frae abune, sae steady an' pure, Sae true, we may follow, frae danger secure; That licht never dazzles or leads us astray; In the darkest o' nichts it shines on the way. | Discover our Poem Explanations and Poet Analyses!Other Poems of Interest...MY AUNT ELLA MAE by MICHAEL S. HARPER THE GOLDEN SHOVEL by TERRANCE HAYES LIZARDS AND SNAKES by ANTHONY HECHT THE BOOK OF A THOUSAND EYES: I LOVE by LYN HEJINIAN CHILD ON THE MARSH by ANDREW HUDGINS MY MOTHER'S HANDS by ANDREW HUDGINS PLAYING DEAD by ANDREW HUDGINS THE GLASS HAMMER by ANDREW HUDGINS INSECT LIFE OF FLORIDA by LYNDA HULL A BALLAD FOUNDED ON A REAL INCIDENT WHICH OCCURED IN HIGH LIFE by JANET HAMILTON |
|