|
Classic and Contemporary Poetry
THE REGEMENT OF PRINCES [DE REGIMINE PRINCIPUM]: PROEM, by THOMAS HOCCLEVE Poet Analysis First Line: But wele awaye, so is myn herte wo Last Line: O maystir, maystir, god thy soule reste! Alternate Author Name(s): Occleve, Thomas Variant Title(s): Proem To The Regement Of Princes | |||
But wele awaye, so is myn herte wo, That the honour of English tounge is deed, Of which I was wonte have counseil and rede. O maister dere and fader reverent, My maister Chaucer! floure of eloquence, Mirrour of fructuous entendement, O universal fadir in science, Allas! that thou thyne excellent prudence In thy bedde mortel myghtest not bequethe; What eyled Dethe? allas, why wold he sle the? O Dethe, that didest not harme singulere In slaughtre of hym, but alle this lond it smerteth; But natheles yit hast thow no powere His name to slee; his hye vertu asterteth Unslayne fro the, whiche ay us Iyfly herteth With bookes of his ornat endityng, That is to alle this londe enlumynyng. Hastow nat eek my maistre Gower slayne? Whos vertu I am insufficient For to descreyve, I wote wel in certeyne: For to sleen alle this world thow hast y-ment, But syn oure Lord Christ was obedient To thee, in feyth I can no better seye, His creatures musten thee obeye. * * * Symple is my goste, and scars my letterure, Unto youre excellence for to write Myne inward love, and yit in aventure Wol I me put, thogh I can but Iyte; My dere maister, -- God his soule quyte, -- And fader, Chaucer, fayne wold have me taught, But I was dulle, and lerned Iyte or naught. Allas! my worthy maister honorable, This londes verray tresour and richesse, Dethe by thy dethe hath harme irreperable Unto us done: hir vengeable duresse Dispoiled hath this londe of the swetnesse Of rethoryk, for unto Tullius Was never man so like amonges us. Also, who was hyer in phylosofye To Aristotle in our tunge but thow? The steppes of Virgile in poysye Thou folwedest eke: men wote well ynow. That combre-worlde, that the my maister slowe (Wolde I slayne were!) dethe was to hastyf To renne on the, and reve the thy Iyf. * * * She myght han taryed hir vengeaunce a whyle, Tyl sum man hadde egal to the be; Nay, let be that; she wel knew that this yle May never man forth bringe lik to the, And hir office nedys do must she; God bad hire soo, I truste as for the beste, O maystir, maystir, God thy soule reste! | Discover our Poem Explanations and Poet Analyses!Other Poems of Interest...HOCCLEVE'S HUMOROUS PRAISE OF HIS LADY by THOMAS HOCCLEVE LAMENT FOR CHAUCER by THOMAS HOCCLEVE SONNET, WRITTEN IN JANUARY 1817 by JOHN KEATS LINES WRITTEN IN A CITY COMPOSING-ROOM by FRANKLIN PIERCE ADAMS PEARLS OF THE FAITH: 98. AL-RASCHID by EDWIN ARNOLD THE PRAYSE OF LADY PECUNIA by RICHARD BARNFIELD WHITE GRASS by ADA BAZZACCHINI |
|