Poetry Explorer- Classic Contemporary Poetry, THE GLEN DON THERE, by JOHN HYSLOP


Poetry Explorer

Classic and Contemporary Poetry

THE GLEN DON THERE, by                     Poet's Biography
First Line: Wi' blythe an' merry tinkle, the bit bonnie wimplin' burn
Last Line: To bonnie winsome jessie, in the glen doon there!
Subject(s): Marriage; Weddings; Husbands; Wives


WI' blythe an' merry tinkle, the bit bonnie wimplin' burn
Jinks through its banks o' cowslips, wi' mony a jouk an' turn;
Wi' mony a jouk an' turn, like a young thing free o' care,
Whaur I'll meet my Jess the nicht, in the glen doon there.
In the glen doon there, in the glen doon there,
I'll meet my bonnie Jessie in the glen doon there!

There's trig an' dainty lassies baith at hame an' far awa',
But for nane I care a preen, for my Jess owre-caps them a' --
For my Jess owre-caps them a'; she's juist ane beyond compare;
An' I'll meet her at the gloamin', in the glen doon there.

For she's stown my heart awa' wi' her saft bewitchin' een:
Sae I've trysted wi' Mess John, an' I bocht the ring yestreen --
I hae bocht the ring yestreen, an' my heart's as licht as air,
For I'll wed my Jess the morn, in the glen doon there.

Though we canna brag o' gear, nor hae binks o' gowden ore,
We've nae herds o' kye or sheep, but we've wealth o' love in store --
We hae wealth o' love in store; sae a fig for Daddy Care,
When link'd for life thegither, in the glen doon there.
In the glen doon there, in the glen doon there,
To bonnie winsome Jessie, in the glen doon there!





Discover our Poem Explanations and Poet Analyses!


Other Poems of Interest...
Home: PoetryExplorer.net