Classic and Contemporary Poetry
POEM: 9, by LAURENCE MINOT First Line: Sir david pe bruse -- was at distance Last Line: Pus was dauid þe bruse -- into þe toure tane. Subject(s): England; Grief; War; English; Sorrow; Sadness | ||||||||
SIR Dauid þe Bruse -- was at distance, When Edward þe Baliolfe -- rade with his lance; þe north end of Ingland -- teched him to daunce, When he was met on þe more -- with mekill mischance. Sir Philip þe Valayse -- may him noght avance; þe flowres þat faire war -- er fallen in ffraunce,Þe floures er now fallen -- þat fers war and fell; A bare with his bataille -- has done pam to dwell. Sir Dauid þe Bruse -- said he suld fonde To ride thurgh all Ingland, -- wald he noght wonde; At þe Westminster hall -- suld his stedes stonde, Whils oure king Edward -- war out of þe londe: Bot now has sir Dauid -- missed of his merkes And Philip þe Valays -- with all þaire grete clerkes. Sir Philip þe Valais, -- suth for to say, Sent vnto sir Dauid -- and faire gan him pray At ride thurgh Ingland -- þaire fomen to flay, And said none es at home -- to let hym þe way, None letes him þe way -- to wende whore he will: Bot with schipherd staues -- fand de his fill. ffro Philip þe Valais -- was sir Dauid sent All Ingland to win -- fro Twede vnto Trent; He broght mani berebag -- with bow redy bent; þai robbed and þai reued -- and held þat þai hent; It was in þe waniand -- þat þai furth went; For couaitise of cataile -- po schrewes war schent; Schent war po schrewes -- and ailed vnsele, For at þe Neuil cros -- nedes bud pam knele. At þe ersbisschop of pork -- now will I bigyn, For he may with his right hand -- assoyl vs of syn; Both Dorem and Carlele -- þai wald neuer blin þe wirschip of Ingland -- with wapþen to win; Mekill wirschip þai wan -- and wele haue þai waken, For syr Dauid þe Bruse -- was in þat tyme taken. When sir Dauid þe Bruse -- satt on his stede, He said of all Ingland -- haued he no drede; Bot hinde Iohn of Coupland, -- a wight man in wede, Talked to Dauid p and kend him his crede. Pare was sir Dauid -- so dughty in his dede, þe faire toure of Londen -- haued he to mede. Sone þan was sir Dauid -- broght vnto þe toure, And William þe Dowglas -- with men of honowre; Full swith redy seruis -- fand þai pare a schowre, For first þai drank of þe swete -- and se -- in of þe sowre. þan sir Dauid þe Bruse -- makes his mone, þe faire coroun of Scotland -- haues he forgone; He luked furth into France, -- help had he none Of sir Philip þe Valais -- ne pit of sir Iohn. þe pride of sir Dauid -- bigon fast to slaken, For he wakkind þe were -- þat held him self waken; For Philyp þe Valaise -- had he his brede baken, And in þe toure of Londen -- his ines er taken: To be both in a place -- þaire forward þai nomen, Bot Philip fayled pare -- and Dauid es cumen. Sir Dauid þe Bruse -- on þis manere Said vnto sir Philip -- al pir sawes pus sere: Philip þe Valais, -- pou made me be here, þis es noght þe forward -- we made are to þere; ffals es pi forward -- and euyll mot pou fare, For pou and sir Iohn pi son -- haues kast me in care. þe Scottes, with þaire falshede, -- pus went þai obout For to win Ingland -- whils Edward was out. For Cuthbert of Dorem -- haued þai no dout; Parfore at Neuel cros -- law gan þai lout,Þaire louted þai law -- and leued allane: pus was Dauid þe Bruse -- into þe toure tane. | Discover our Poem Explanations and Poet Analyses!Other Poems of Interest...SONOMA FIRE by JANE HIRSHFIELD AS THE SPARKS FLY UPWARDS by JOHN HOLLANDER WHAT GREAT GRIEF HAS MADE THE EMPRESS MUTE by JUNE JORDAN CHAMBER MUSIC: 19 by JAMES JOYCE |
|