Poetry Explorer

Classic and Contemporary Poetry

KATY'S ANSWER, by                 Poet Analysis     Poet's Biography
First Line: My mither's ay glowran o'er me
Last Line: Win them, I'll be at your devotion.


My mither's ay glowran o'er me,
Though she did the same before me;
I canna get leave
To look at my love,
Or else she'll be like to devour me.

Right fain wad I take ye'r offer,
Sweet sir, but I'll tine my tocher;
Then, Sandy, ye'll fret,
And wyte ye'r poor Kate,
Whene'er ye keek in your toom coffer.

For though my father has plenty
Of siller and plenishing dainty,
Yet he's unco sweer
To twin wi' his gear;
And sae we hae need to be tenty.
Tutor my parents wi' caution,
Be wylie in ilka motion;
Brag well o' ye'r land,
And there's my leal hand;
Win them, I'll be at your devotion.





Discover our Poem Explanations and Poet Analyses!


Other Poems of Interest...
Home: PoetryExplorer.net