Poetry Explorer- Classic Contemporary Poetry, SANCT MUNGO, by SANDY RODGER


Poetry Explorer

Classic and Contemporary Poetry

SANCT MUNGO, by                    
First Line: Sanct mungo wals ane famous sanct
Last Line: Throuch lufe o' barlye-bree.
Subject(s): Saints


(THE PATRON SAINT OF GLASGOW.)
SANCT MUNGO wals ane famous sanct,
And ane cantye carle wals hee,
He drank o' ye Molendinar Burne,
Quhan bettere hee culdna prie;
Zit quhan he culd gette strongere cheere,
He neuer wals wattere drye,
Butte dranke o' ye streame o'ye wimpland worme,
And loote ye burne rynne bye.

Sanct Mungo wals ane merrye sanct,
And merrylye hee sang;
Quhaneuer he liltit uppe hys sprynge,
Ye very Firre Parke rang;
Butte thoch hee weele culd lilt and synge,
And mak sweet melodye,
He chauntit aye ye bauldest straynes,
Quhan prymed wi' barlye-bree.

Sanct Mungo wals ane halie sanct,
Farre famed for godlye deedis,
And grete delyte hee daylye took,
Inn countynge owre hys beadis;
Zit I, Sanct Mungo's youngeste sonne,
Can count als welle als hee;
Butte ye beadis quilk I like best to count
Are ye beadis o' barlye-bree.

Sanct Mungo wals ane jolly sanct: --
Sa weele hee lykit gude zil,
Thatte quhyles hee staynede hys quhyte vesture,
Wi' dribblands o' ye still;
Butte I, hys maist unwordye sonne,
Haue gane als farre als hee,
For ance I tynde my garmente skirtis,
Throuch lufe o' barlye-bree.





Discover our Poem Explanations and Poet Analyses!


Other Poems of Interest...
Home: PoetryExplorer.net