|
Classic and Contemporary Poetry
WHA IS PERFYTE, by ALEXANDER SCOTT (1520-1590) Poem Explanation Poet Analysis Poet's Biography First Line: Wha is perfyte to put in writ Last Line: And everilk grief is gane for evermair. | |||
WHA is perfyte to put in writ The inwart murning and mischance, Or to endite the great delight Of lusty luvis observance, Bot he that may, certain, patiently suffer pain To win his soverane in recompanse. Albeit I know of luvis law The pleasure and the painis smart, Yet I stand awe for to furthshaw The quiet secretis of my heart. For it may Fortune raith to do her body skaith Whilk wat that of them baith I am expert. She wat my woe that is ago, She wat my welfare and remead, She wat also, I luve no mo Bot her, the well of womanheid. She wat withouten fail, I am her luvar laill, She has my hairt all haill till I be deid. That bird of bliss in beauty is In erd the only a per se, Whase mouth to kiss is worth, I wis, The warld full of gold to me. Is nocht in erd I cure, bot please my lady pure, Syne be her servitour unto I dee. She has my luve at her behufe, My hairt is subject bound and thrall, For she dois move my hairt abuve To see her proper persoun small. Sen she is wrocht at will, that Nature may fulfil Gladly I give her till, body and all. There is nocht wie can estimie My sorrow and my sighingis sair, For I am so done faithfully In favouris with my lady fair That baith our hairtis are ane, locknyt in luvis chain, And everilk grief is gane for evermair. | Discover our Poem Explanations and Poet Analyses!Other Poems of Interest...LAMENT OF THE MASTER ERSKINE by ALEXANDER SCOTT (1520-1590) A BEQUEST OF HIS HEART by ALEXANDER SCOTT (1520-1590) LIGHT [AND LOVE] by FRANCIS WILLIAM BOURDILLON THE IRISH PEASANT TO HIS MISTRESS by THOMAS MOORE GOODS TRAIN AT NIGHT by KENNETH H. ASHLEY TO THE BARTHOLDI STATUE by AMBROSE BIERCE FIRST NIGHT-FLIGHT by MARGARET BODEN A PASSING OF FAITH by GORDON BOTTOMLEY |
|