|
|
|
|
Classic and Contemporary Poetry
UNDERWOODS: BOOK 2: 4, by ROBERT LOUIS STEVENSON Poem Explanation Poet Analysis Poet's Biography First Line: A mile an' a bittock, a mile or twa Last Line: When the mune was shinin' clearly. Alternate Author Name(s): Stevenson, Robert Lewis Balfour | |||
A mile an' a bittock, a mile or twa, Abune the burn, ayont the law Davie an' Donal' an' Cherlie an' a', An' the mune was shinin' clearly! Ane went hame wi' the ither, an' then The ither went hame wi' the ither twa men, An' baith wad return him the service again, An' the mune was shinin' clearly! The clocks were chappin' in house an' ha', Eleeven, twal' an' ane an' twa; An' the guidman's face was turnt to the wa', An' the mune was shinin' clearly! A wind got up frae affa the sea, It blew the stars as clear's could be, It blew in the een of a' o' the three, An' the mune was shinin' clearly! Noo, Davie was first to get sleep in his head, "The best o' frien's maun twine,' he said; "I'm weariet, an' here I'm awa' to my bed.' An' the mune was shinin' clearly! Twa o' them walkin' an' crackin' their lane, The mornin' licht cam grey an' plain, An' the birds they yammert on stick an' stane, An' the mune was shinin' clearly! O years ayont, O years awa', My lads, ye'll mind whate'er befa' -- My lads, ye'll mind on the bield o' the law When the mune was shinin' clearly. | Discover our Poem Explanations and Poet Analyses!Other Poems of Interest...ALCAICS: TO H. F. BROWN by ROBERT LOUIS STEVENSON AT THE SEASIDE by ROBERT LOUIS STEVENSON AUNTIE'S SKIRTS by ROBERT LOUIS STEVENSON CHRISTMAS AT SEA by ROBERT LOUIS STEVENSON ENVOY: 2. TO MY MOTHER by ROBERT LOUIS STEVENSON ENVOY: 5. TO MY NAME-CHILD by ROBERT LOUIS STEVENSON ESCAPE AT BEDTIME by ROBERT LOUIS STEVENSON FAREWELL TO THE FARM by ROBERT LOUIS STEVENSON FOREIGN CHILDREN by ROBERT LOUIS STEVENSON FOREIGN LANDS by ROBERT LOUIS STEVENSON |
| |