Classic and Contemporary Poetry
MORAYLAND, by FRANK SUTHERLAND Poet's Biography First Line: Ance mair aroon' this festive board convenes our social band Last Line: "my toast is ""london's moray club, an' dear auld morayland." Alternate Author Name(s): Uncle Peter Subject(s): Home | ||||||||
ANCE mair aroon' this festive board convenes our social band: A lot o' leal an' loyal loons frae dear auld Morayland -- Yon sunny clime we lo'e sae weel, far north ayont the Tay, The land whar gentle Lossie winds, deep Fin'ron, an' the Spey. 'Twas there, langsyne, whan gleesome loons we chased the gird an' ba' Wi' early freens whase very names sweet memories reca'. The land whar Punchie wander'd lang wi's trusty rod an' reel, Whar Cutler Jamie sat and sang o'er's skirlin' timmer wheel. Whan bravely climin' life's steep hill or creepin' canny doon, We like to tak' a leisure hour to rest an' look aroon'; Though far remov'd we still can see you shady Oak Wood dell, The auld Bow Brig, green Lady Hill an' tricklin' Marywell. Some loons, by Mossat's ripplin' rills, in fancy tak' a turn, While ithers roam o'er Cluny Hills or stray by Wishart's Burn. Ay! mony a time we wander aff, though only but in dreams, To clim' far-distant sunny braes or muse by silv'ry streams. A kind auld mither Moray is, her sons are leal an' fain, An' though they aften rove aboot, she coonts them still her ain. 'Mang ither worthy sons frae hame she ever proodly croons O' unco mindfu' bairns she ca's her London Moray loons. Though weel they lo'e big London Toon an' a' its fowk sae kin', Their fondest thochts aye wander back to scenes o' auld langsyne. Then pledge wi' me, wi' three times three, an' a' the honours grand -- My Toast is "London's Moray Club, an' dear auld Morayland." | Discover our Poem Explanations and Poet Analyses!Other Poems of Interest...EL FLORIDA ROOM by RICHARD BLANCO DESTINATIONS by JOSEPHINE JACOBSEN TO THIS HOUSE by ROBINSON JEFFERS THE UPSTAIRS ROOM by WELDON KEES HOME IS SO SAD by PHILIP LARKIN DUTCH INTERIOR by DAVID LEHMAN CHILDHOOD'S HAPPY HOME by FRANK SUTHERLAND |
|