|
|
|
|
Classic and Contemporary Poetry
MY BIG JOCK, by JOHN YOUNG First Line: I wonder whaur the poets get sic wheens o' clever weans Last Line: Can turn me oot a bigger sumph than my big jock! | |||
I WONDER whaur the poets get sic wheens o' clever weans, Whom they parraud and sprowse aboot in mony rousin' strains, For waes my heart, I've yin at hame, the auldest o' my flock, An' sic a sumph there never leev't as my big Jock! He'd hardly skirl't into life -- an' heth, he rowted weel -- Till Grannie Gossip pledg'd her aith he'd be a clever chiel; A gown an' ban's, or lawyer's wig, fresh frae the barber's block, He'd surely wear; but wae-sucks me, for my big Jock! He's been at twenty schules, I'm sure, an' cost nae little cash, For aye I hoped he yet micht win some laurels for the fash; But a' his teachers are agree't they'll never maun to knock Book-lear into the timmer heid o' my big Jock! Some mithers brag o' cleanly bairns, but this is no my case, Frae schule Jock's aft been lickit hame to wash his dirty face; A feckless, lazy loon he is, wi' heid o' whinstane rock -- O' for some poother in the pow o' my big Jock! An' yet, the laddie's ne'er been kenn'd for ony wicked ways; I never heard him tellin' whids, or swearin', a' his days; An easy-osy thieveless cuif, as soul-less as a rock -- O' for a twalmonth's sodgerin' for my big Jock! Some think him silly, yet he kens hoo mony beans mak' five, An' freenly folks a few will hae't that he'll improve belyve, An' aiblins tempt some thro-gaun lass to share the marriage yoke -- Ma wordie! but she'll hae a prize in my big Jock. Meanwhile, frae Linkumdoddie toon, on Tweeda's norlan' side, To whaur the groozie Kelvin crawls into the savoury Clyde, There's no a mither in the lan', I carena what's her flock, Can turn me oot a bigger sumph than my big Jock! | Discover our Poem Explanations and Poet Analyses!Other Poems of Interest...THANATOPSIS by WILLIAM CULLEN BRYANT ODE ON THE SPRING by THOMAS GRAY TO A CHILD EMBRACING HIS MOTHER by THOMAS HOOD ON CATULLUS by WALTER SAVAGE LANDOR PRAYERS OF STEEL by CARL SANDBURG A DIRGE by PERCY BYSSHE SHELLEY COMPARISON OF LOVE TO A STREAM FALLING FROM THE ALPS by THOMAS WYATT |
| |