Poetry Explorer- Classic Contemporary Poetry, AYE WAUKIN' O!, by ANONYMOUS



Poetry Explorer

Classic and Contemporary Poetry

AYE WAUKIN' O!, by                    
First Line: O spring's a pleasant time
Last Line: "sleep can I get nane, / for thinkin' o' my dearie"
Subject(s): Desire;spring


O SPRING'S a pleasant time,
Flowers o' every colour --
The sweet bird builds her nest,
And I long for my lover.
Aye waukin' O,
Waukin' aye, and weary,
Sleep can I get nane,
For thinkin' o' my dearie.

O I'm wat, wat,
O I'm wat and weary;
Yet fain I'd rise and run
If I thought to meet my dearie

When I sleep I dream,
When I wauk I'm eerie;
Sleep can I get nane,
For thinkin' o' my dearie.

Lanely night comes on;
A' the lave are sleeping;
I think on my love,
And blear my een wi' greeting.

Feather-beds are soft,
Painted rooms are bonnie;
But a kiss o' my dear love
Is better far than ony.

O for Friday's night,
Friday at the gloaming!
O for Friday's night!
Friday's lang o' coming.
Aye waukin' O,
Waukin' aye, and weary,
Sleep can I get nane,
For thinkin' o' my dearie.





Discover our Poem Explanations and Poet Analyses!


Other Poems of Interest...



Home: PoetryExplorer.net