O, saw ye bonnie Leslie As she gaed o'er the border? She's gane, like Alexander, To spread her conquests farther. To see her is to love her, And love but her forever; For nature made her what she is, And ne'er made sic anither! Thou art a queen, fair Leslie, Thy subjects we, before thee; Thou art divine, fair Leslie, The hearts o' men adore thee. The deil he could na scaith thee, Or aught that wad belang thee; He'd look into thy bonnie face, And say, "I canna wrang thee!" The Powers aboon will tent thee; Misfortune sha' na steer thee; Thou 'rt like themselves sae lovely That ill they'll ne'er let near thee. Return again, fair Leslie, Return to Caledonie! That we may brag we hae a lass There's nane again sae bonnie. | Discover our Poem Explanations and Poet Analyses!Other Poems of Interest...THE STORMING OF STONY POINT [JULY 16, 1779] by ARTHUR GUITERMAN THE BARD'S ANNUAL DEFIANCE by FRANKLIN PIERCE ADAMS ECHOES OF SPRING: 6 by MATHILDE BLIND A MARINER'S SONG by JOHN GARDINER CALKINS BRAINARD UNCLE SIMON AND UNCLE JIM by CHARLES FARRAR BROWNE THE WANDERER: 1. IN ITALY: ROOT AND LEAF by EDWARD ROBERT BULWER-LYTTON |