IT was a' for our rightfu' King We left fair Scotland's strand; It was a' for our rightfu' King We e'er saw Irish land, My dear -- We e'er saw Irish land. Now a' is done that men can do, And a' is done in vain; My love and native land, farewell, For I maun cross the main, My dear -- For I maun cross the main. He turn'd him right and round about Upon the Irish shore; And gae his bridle-reins a shake, With, Adieu for evermore, My dear -- With, Adieu for evermore! The sodger frae the wars returns, The sailor frae the main; But I hae parted frae my love, Never to meet again, My dear -- Never to meet again. When day is gane, and night is come, And a' folk bound to sleep, I think on him that 's far awa', The lee-lang night, and weep, My dear -- The lee-lang night, and weep. | Discover our Poem Explanations and Poet Analyses!Other Poems of Interest...STANZAS TO A LADY, WITH THE POEMS OF CAMOENS by GEORGE GORDON BYRON THE CITY AT THE END OF THINGS by ARCHIBALD LAMPMAN THE NEW COLOSSUS by EMMA LAZARUS BYRON by CINCINNATUS HEINE MILLER FOR MY OWN TOMBSTONE by MATTHEW PRIOR ENVOI: DEATH (2) by GEORGE BARLOW (1847-1913) THE BRIDES' TRAGEDY: ACT 3, SCENE 2 by THOMAS LOVELL BEDDOES |