O Willie brew'd a peck o' maut, And Rob and Allen cam to see; Three blyther hearts, that lee-lang night, Ye wadna found in Christendie. Chorus. -- We are na fou, we're nae that fou, But just a drappie in our ee; The cock may craw, the day may daw And aye we'll taste the barley bree. Here are we met, three merry boys, Three merry boys I trow are we; And mony a night we've merry been, And mony mae we hope to be! We are na fou, &c. It is the moon, I ken her horn, That's blinkin' in the lift sae hie; She shines sae bright to wyle us hame, But, by my sooth, she'll wait a wee! We are na fou, &c. Wha first shall rise to gang awa, A cuckold, coward loun is he! Wha first beside his chair shall fa', He is the King amang us three. We are na fou, &c. | Discover our Poem Explanations and Poet Analyses!Other Poems of Interest...ECSTASY by GEORGIA DOUGLAS JOHNSON COUNTRY SUMMER by LEONIE ADAMS GEIST'S GRAVE by MATTHEW ARNOLD GLORY OF WOMEN by SIEGFRIED SASSOON RIVALRY IN LOVE by WILLIAM WALSH (1663-1707) THE SOFTNESS OF SYBARIS by FRANKLIN PIERCE ADAMS A MIGRANT THRUSH by MARY RUSSELL BARTLETT |