'SAW ye Johnny comin', quo' she, 'Saw ye Johnny comin'? Wi' his blue bonnet on his head, And his doggie runnin'? Yestreen about the gloamin' time I chanced to see him comin', Whistling merrily the tune That I am a' day hummin',' quo' she, 'I am a' day hummin'.' 'Fee him, faither, fee him,' quo' she, 'Fee him, faither, fee him; A' the wark about the house Gaes wi' me when I see him: A' the wark about the house, I gang sae lightly through it; And though ye pay some merks o' gear, Hoot! ye winna rue it,' quo' she, 'No; ye winna rue it.' 'What wad I do wi' him, hizzy? What wad I do wi' him? He's ne'er a sark upon his back, And I hae nane to gie him.' 'I hae twa sarks into my kist, And ane o' them I'll gie him; And for a merk o' mair fee, O, dinna stand wi' him,' quo' she; 'Dinna stand wi' him.' 'Weel do I lo'e him,' quo' she, 'Weel do I lo'e him, The brawest lads about the place Are a' but haverels to him. O fee him, faither; lang I trow We've dull and dowie been; He'll haud the plough, thrash i' the barn, And crack wi' me at e'en,' quo' she, 'Crack wi' me at e'en.' | Discover our Poem Explanations and Poet Analyses!Other Poems of Interest...THE SNUG LITTLE ISLAND by THOMAS FROGNALL DIBDIN TO MUSIC [TO BECALM HIS FEVER] by ROBERT HERRICK THE VOICE OF THE RAIN by WALT WHITMAN THE PASSERS BY by AL-RADI BILLAH LEGEND OF HAMILTON TIGHE by RICHARD HARRIS BARHAM THE LOST COLORS by MARY A. BARR |