OH, wha is like my wee wife, My wee wife, my wee wife; Oh, wha is like my wee wife, Sae leal an' true to me. The wee bit singin' birdie Is happy in its nest, The laughin' dautit bairnie Upon its mither's breast; The lammie on the brae side, The hare upon the lea, An' my wee wife, my wee wife, Brings happiness to me. Oh, wha is like, etc. When vex'd wi' pride an' folly I sit me doun an' sigh, Or mourn that care an' sorrow Should ever come us nigh. The clouds that hing aboon me Awa' awa' they flee, For ae blink o' my wee wife Is sunshine aye to me. Oh, wha is like, etc. When life is in the gloamin', An' eerie fa's the nicht, An' gropin' in the darkness, We weary for the licht, Oh, then, oh, then, thegither We'll lay us doun an' dee. For heaven without my wee wife, It werena heaven to me. Oh, wha is like, etc. | Discover our Poem Explanations and Poet Analyses!Other Poems of Interest...ON BRODSKY'S COLLECTED by MICHAEL S. HARPER TO A DEAD MAN by CARL SANDBURG LINES WRITTEN IN THE ALBUM AT ELBINGERODE, IN HARTZ FOREST by SAMUEL TAYLOR COLERIDGE THE COMING STORM' (A PICTURE BY R. S. GIFFORD) by HERMAN MELVILLE CHAMPAGNE, 1914-1915 by ALAN SEEGER |