The Laddies by the banks o' Nith Wad trust his Grace wi a', Jamie; But he'll sair them, as he sair'd the King -- Turn tail and rin awa', Jamie. Chorus. -- Up and waur them a', Jamie, Up and waur them a'; The Johnstones hae the guidin o't, Ye turncoat Whigs, awa'! The day he stude his country's friend, Or gied her faes a claw, Jamie, Or frae puir man a blessin wan, That day the Duke ne'er saw, Jamie. Up and waur them, &c. But wha is he, his country's boast? Like him there is na twa, Jamie; There's no a callent tents the kye, But kens o' Westerha', Jamie. Up and waur them, &c. To end the wark, here's Whistlebirk, Lang may his whistle blaw, Jamie; And Maxwell true, o' sterling blue; And we'll be Johnstones a', Jamie. Up and waur them, &c. | Discover our Poem Explanations and Poet Analyses!Other Poems of Interest...UNDER THE WATERFALL by THOMAS HARDY LEXINGTON [APRIL 19, 1775] by OLIVER WENDELL HOLMES SONNET: 14. ON THE RELIGIOUS MEMORY OF CATHERINE THOMASON by JOHN MILTON ENVOI by JOHN GNEISENAU NEIHARDT GARDEN DAYS: 7. THE GARDENER by ROBERT LOUIS STEVENSON DEATH'S VALLEY by WALT WHITMAN |