For lords or kings I dinna mourn, E'en let them die -- for that they're born: But oh! prodigious to reflec'! A Towmont, sirs, is gane to wreck! O Eighty-eight, in thy sma' space, What dire events hae taken place! Of what enjoyments thou hast reft us! In what a pickle thou has left us! The Spanish empire's tint a head, And my auld teethless, Bawtie's dead: The tulyie's teugh 'tween Pitt and Fox, And 'tween our Maggie's twa wee cocks; The tane is game, a bluidy devil, But to the hen-birds unco civil; The tither's something dour o' treadin, But better stuff ne'er claw'd a middin. Ye ministers, come mount the poupit, An' cry till ye be hearse an' roupit, For Eighty-eight, he wished you weel, An' gied ye a' baith gear an' meal; E'en monc a plack, and mony a peck, Ye ken yoursels, for little feck! Ye bonnie lasses, dight your e'en, For some o' you hae tint a frien'; In Eighty-eight, ye ken, was taen, What ye'll ne'er hae to gie again. Observe the very nowt an' sheep, How dowff an' daviely they creep; Nay, even the yirth itsel' does cry, For E'nburgh wells are grutten dry. O Eighty-nine, thou's but a bairn, An' no owre auld, I hope, to learn! Thou beardless boy, I pray tak care, Thou now hast got thy Daddy's chair; Nae handcuff'd, mizl'd, hap-shackl'd Regent, But, like himsel, a full free agent, Be sure ye follow out the plan Nae waur than he did, honest man! As muckle better as you can. | Discover our Poem Explanations and Poet Analyses!Other Poems of Interest...TO THE LAPLAND LONGSPUR by JOHN BURROUGHS CLEOMENS, OR THE SPARTAN HERO: SONG by JOHN DRYDEN GRANDMOTHER'S STORY OF BUNKER HILL BATTLE by OLIVER WENDELL HOLMES THE VOICELESS by OLIVER WENDELL HOLMES THE BALLAD OF BOUILLABAISSE by WILLIAM MAKEPEACE THACKERAY BEAT! BEAT! DRUMS! by WALT WHITMAN PSALM 133 by OLD TESTAMENT BIBLE THE LOVE SONNETS OF PROTEUS: 50. FAREWELL TO JULIET (12) by WILFRID SCAWEN BLUNT |