There was a lad was born in Kyle, But whatna day o' whatna style, I doubt it's hardly worth the while To be sae nice wi' Robin. Chor. - Robin was a rovin' boy, Rantin', rovin', rantin', rovin', Robin was a rovin' boy, Rantin', rovin', Robin! Our monarch's hindmost year but ane Was five-and-twenty days begun 'Twas then a blast o' Janwar' win' Blew hansel in on Robin. Robin was, &c. The gossip keekit in his loof, Quo' scho, "Wha lives will see the proof, This waly boy will be nae coof: I think we'll ca' him Robin." Robin was, &c. "He'll hae misfortunes great an' sma', But aye a heart aboon them a', He'll be a credit till us a' -- We'll a' be proud o' Robin." Robin was, &c. "But sure as three times three mak nine, I see by ilka score and line, This chap will dearly like our kin', So leeze me on thee! Robin." Robin was, &c. "Guid faith," quo', scho, "I doubt you gar The bonnie lasses lie aspar; But twenty fauts ye may hae waur So blessins on thee! Robin." Robin was a rovin' boy, Rantin', rovin', rantin', rovin', Robin was a rovin' boy, Rantin', rovin', Robin! | Discover our Poem Explanations and Poet Analyses!Other Poems of Interest...THE IRISH RAPPAREES; A PEASANT BALLAD OF 1691 by CHARLES GAVAN DUFFY HEART'S-EASE by WALTER SAVAGE LANDOR TACKING SHIP OFF SHORE by WALTER MITCHELL I HEAR AMERICA SINGING by WALT WHITMAN THE RAGGED WOOD by WILLIAM BUTLER YEATS |