O how can I be blythe and glad, Or how can I gang brisk and braw, When the bonnie lad that I lo'e best Is o'er the hills and far awa! It's no the frosty winter wind, It's no the driving drift and snaw; But aye the tear comes in my e'e, To think on him that's far awa. My father pat me frae his door, My friends they hae disown'd me a'; But I hae ane will tak my part, The bonnie lad that's far awa. A pair o' glooves he bought to me, And silken snoods he gae me twa; And I will wear them for his sake, The bonnie lad that's far awa. O weary Winter soon will pass, And Spring will cleed the birken shaw; And my young babie will be born, And he'll be hame that's far awa. | Discover our Poem Explanations and Poet Analyses!Other Poems of Interest...SPOON RIVER ANTHOLOGY: DIPPOLD THE OPTICIAN by EDGAR LEE MASTERS TO A REPUBLICAN FRIEND, 1848 by MATTHEW ARNOLD TO MY MOTHER SLEEPING by MARY RUSSELL MITFORD THE LAST WILL AND TESTAMENT OF THE OLD GREY MARE by MOTHER GOOSE TO SIGURD by KATHARINE LEE BATES PSALM 116 by OLD TESTAMENT BIBLE |