The Catrine woods were yellow seen, The flowers decay'd on Catrine lee, Nae lav'rock sang on hillock green, But nature sicken'd on the e'e. Thro' faded groves Maria sang, Hersel' in beauty's bloom the while; And aye the wild-wood ehoes rang, Farewell the braes o' Ballochmyle! Low in your wintry beds, ye flowers, Again ye'll flourish fresh and fair; Ye birdies dumb, in with'ring bowers, Again ye'll charm the vocal air. But here, alas! for me nae mair Shall birdie charm, or floweret smile; Farewell the bonnie banks of Ayr, Farewell, farewell! sweet Ballochmyle! | Discover our Poem Explanations and Poet Analyses!Other Poems of Interest...SONNET: 73 by WILLIAM SHAKESPEARE THE QUAKER WIDOW by BAYARD TAYLOR SONG; IN IMITATION OF SHAKESPEARE'S 'BLOW, BLOW, THOU WINTER WIND' by JAMES BEATTIE NO CONTINUING CITY by EDMUND CHARLES BLUNDEN THE HILLS WE LOVE by GRACE LOWE BROADHEAD |