Nae heathen name shall I prefix, Frae Pindus or Parnassus; Auld Reekie dings them a' to sticks, For rhyme-inspiring lasses. Jove's tunefu' dochters three times three Made Homer deep their debtor; But, gien the body half an e'e, Nine Ferriers wad done better! Last day my mind was in a bog, Down George's Street I stoited; A creeping cauld prosaic fog My very sense doited. Do what I dought to set her free, My saul lay in the mire; Ye turned a neuk -- I saw your e'e -- She took the wing like fire! The mournfu' sang I here enclose, In gratitude I send you, And pray, in rhyme as weel as prose, A' gude things may attend you! | Discover our Poem Explanations and Poet Analyses!Other Poems of Interest...DOMESDAY BOOK: THE JURY DELIBERATES by EDGAR LEE MASTERS MARRIAGE A LA MODE: SONG by JOHN DRYDEN SPOILS OF THE DEAD by ROBERT FROST PEARLS OF THE FAITH: 8. MUHAIMIN by EDWIN ARNOLD A FARMHOUSE DIRGE by ALFRED AUSTIN THE JAY WALKER by BERTON BRALEY THE RETORT DISCOURTEOUS by BERTON BRALEY A TALE OF VILLAFRANCA; TOLD IN TUSCANY by ELIZABETH BARRETT BROWNING |