Now, Kennedy, if foot or horse E'er bring you in by Mauchlin corse, (Lord, man, there's lasses there wad force A hermit's fancy; An' down the gate in faith they're worse, An' mair unchancy). But as I'm sayin, please step to Dow's, An' taste sic gear as Johnie brews, Till some bit callan bring me news That ye are there; An' if we dinna hae a bouze, I'se ne'er drink mair. It's no I like to sit an' swallow, Then like a swine to puke an' wallow; But gie me just a true good fallow, Wi' right ingine, And spunkie ance to mak us mellow, An' then we'll shine. Now if ye're ane o' warl's folk, Wha rate the wearer by the cloak, An' sklent on poverty their joke, Wi' bitter sneer, Wi' you nae friendship I will troke, Nor cheap nor dear. But if, as I'm informed weel, Ye hate as ill's the very deil The flinty heart that canna feel -- Come, sir, here's to you! Hae, there's my haun', I wiss you weel, An' gude be wi' you. | Discover our Poem Explanations and Poet Analyses!Other Poems of Interest...THE CANDLE INDOORS by GERARD MANLEY HOPKINS PROTHALAMION by EDMUND SPENSER APPARITIONS by THOMAS BAILEY ALDRICH BRIEF LIFE by KATHARINE LEE BATES MID-OCEAN by WILLIAM ROSE BENET TO ONE IN A HOSTILE CAMP by WILFRID SCAWEN BLUNT |