When folks hae got the meetin' an' Sabbath dinner ower, The neighbours aye'll gather an' pass a frien'ly hour, O'er the doin's o' the week Tongues'll wag an' cutties reek-- Every Sabbath evenin' at the "Six Road Ends." If comin' frae the market.ye got a wee bit drouth, An' gang into the "public" an' tongue has slipped the truth, How ye sold the spavin mare, Bested this yin here an' there-- Ye'll hear it on the Sabbath at the "Six Road Ends" Hae ye got a poun' note--ye dinna want to len'? Have ye got a wife--that'd rin about an' spen'? An' gang an' waste it a' Buyin' things she had nae ca'-- Ye'll hear it on the Sabbath at the "Six Road Ends." Hae Billy got the measles or Sammy got the mumps? The brindle cow has died or yer wife hae got the grumps? Ye'll hear it a' an' mair, Till yer heart is sick an' sair-- Ye'll hear it on the Sabbath at the "Six Road Ends." The latest price o' cattle, the prospect o' the crops, Is the minister goin' to marry, or no quite orthodox? How some countryside magnate Slipped a ha'penny on the plate-- Ye'll hear it on the Sabbath at the "Six Road Ends." I hae a girl that loves me, her word she gie me true, Her face is fair an' kin'ly, her name I'll nae tell you; We gang where nane'll see, For in troth ye'll no catch me. Courtin' on the Sabbath near the "Six Road Ends." | Discover our Poem Explanations and Poet Analyses!Other Poems of Interest...THE ANGEL IN THE HOUSE: BOOK 1. CANTO 2. PRELUDE: LOVE AT LARGE by COVENTRY KERSEY DIGHTON PATMORE THE BROKEN FIELD by SARA TEASDALE THE HOLLYHOCKS by CRAVEN LANGSTROTH BETTS TO WEBSTER by HARRY RANDOLPH BLYTHE THE BARGAIN by CLAIRE STEWART BOYER END AND BEGINNING by AMELIA JOSEPHINE BURR AS A VIOLINIST by RICHARD EUGENE BURTON GLIMPSES OF ITALY: 2. THE CLOISTER GARDEN AT CERTOSA by RICHARD EUGENE BURTON |