FRA Cruachan tae Aberdeen The hinds'll move their calfies soon Up frae the bracken's bonnie green To yon blue heights that float aboon; Nae snaws the tops an' corries croon; Crags whaur the eagle lifts his kills Blink i' the gowden efternoon; It's summer noo in a' the hills! The heather sleeps frae morn till e'en Braw in her reed-an'-purple goon; Sax weeks it wants or stags be clean An' gang wi thickenin' manes an' broun Waitin' the cauld October moon When a' the roarin' brae-face fills— Ye've heard yon wild, wanchancy tune? It's summer noo in a' the hills! Yet blaws a soupin' breeze an' keen; We're wearit for it whiles in toun, An' I wad be whaur I hae been In Autumn's blast or heats o' June Up on the quiet forest groun', Friens wi' the sun, or shoor that chills, Watchin' the beasts gang up an' doon; It's summer noo in a' the hills! ENVOY Mountains o' deer, ye ca' a loon Fra streets an' sic-like stoury ills Wi' thankfu' heart an' easy shoon; It's summer noo in a' the hills! | Discover our Poem Explanations and Poet Analyses!Other Poems of Interest...FRANCE: AN ODE by SAMUEL TAYLOR COLERIDGE ODE ON THE POETICAL CHARACTER by WILLIAM COLLINS (1721-1759) THE EVE OF BUNKER HILL [JUNE 16, 1775] by CLINTON SCOLLARD THE CITY DEAD-HOUSE by WALT WHITMAN MOUNTAIN PICTURES: 2. MONADNOCK FROM WACHUSETT by JOHN GREENLEAF WHITTIER THE LEAF by ANTOINE VINCENT ARNAULT |