Whan seyd was al this miracle, every man As sobre was that wonder was to se, Til that oure hooste japen tho bigan, And thanne at erst he looked upon me, And seyde thus, "What man artow?" quod he; "Thou lookest as thou woldest fynde an hare, For evere upon the ground I se thee stare. "Approche neer, and looke up murily. Now war yow, sires, and lat this man have place! He in the waast is shape as wel as I; This were a popet in an arm t'enbrace For any womman, smal and fair of face. He semeth elvyssh by his contenaunce, For unto no wight dooth he daliaunce. "Sey now somwhat, syn oother folk han sayd; Telle us a tale of myrthe, and that anon." "Hooste," quod I, "ne beth nat yvele apayd, For oother tale certes kan I noon, But of a rym I lerned longe agoon." "Ye, that is good," quod he; "now shul we heere Som deyntee thyng, me thynketh by his cheere." | Discover our Poem Explanations and Poet Analyses!Other Poems of Interest...SONG BY THE WINDOW BEFORE BED by KATHERINE MANSFIELD THE SCRIBE by WALTER JOHN DE LA MARE THE SCHRECKHORN by THOMAS HARDY THE DEATH-BED by SIEGFRIED SASSOON THE PLEASURES OF IMAGINATION: BOOK 3 by MARK AKENSIDE LATIMER AND RIDLEY, BURNED AT THE STAKE IN OXFORD, 1555 by WILLIAM EDMONSTOUNE AYTOUN |