Thou rote [source] of false lovers, duk Jason! Thou sly devourer and confusioun Of gentil-wommen, tender creatures, Thou madest thy reclaiming and thy lures To ladies of thy statly apparaunce, And of thy wordes, farced with plesaunce, And of thy feyned trouthe and thy manere, With thyn obeissaunce and thy humble chere, And with thy counterfeted peyne and wo. Ther other falsen oon, thou falsest two! O! ofte swore thou that thou woldest dye For love, whan thou ne feltest maladye Save foul delyt, which that thou callest love! If that I live, thy name shal be shove In English, that thy sleighte shal be knowe! Have at thee, Jason! now thyn horn is blowe! But certes, hit is bothe routhe and wo That love with false loveres werketh so; For they shul have wel better love and chere That he that hath aboght his love ful dere, Or had in armes many a blody box. For ever as tendre a capoun et the fox, Thogh he be fals and hath the foul betrayed, As shal the good-man that ther-for hath payed. Al have he to the capoun skille and right, The false fox wol have his part at night. On Jason this ensample is wel y-sene By Isiphile and Medea the quene. | Discover our Poem Explanations and Poet Analyses!Other Poems of Interest...SONNET: CUPID AND VENUS by MARK ALEXANDER BOYD MEN WHO MARCH AWAY' (SONG OF THE SOLDIERS) by THOMAS HARDY THE MEETING OF THE WATERS by THOMAS MOORE RECOLLECTIONS OF THE ARABIAN NIGHTS by ALFRED TENNYSON CITY OF ORGIES by WALT WHITMAN |