UP the Noran Water In by Inglismaddy, Annie's got a bairnie That hasna got a daddy. Some say it's Tammas's, An' some say it's Chay's; An' naebody expec'it it, Wi' Annie's quiet ways. Up the Noran Water The bonny little mannie Is dandled an' cuddled close By Inglismaddy's Annie. Wha the bairnie's daddy is The lassie never says; But some think it's Tammas's, An' some think it's Chay's. Up the Noran Water The country folk are kind; An' wha the bairnie's daddy is They dinna muckle mind. But oh! the bairn at Annie's breist, The love in Annie's e'e -- They mak' me wish wi' a' my micht The lucky lad was me! | Discover our Poem Explanations and Poet Analyses!Other Poems of Interest...HOLY POEMS: 1 by GEORGE BARKER FABLE: THE MOUNTAIN AND THE SQUIRREL by RALPH WALDO EMERSON AT LULWORTH COVE A CENTURY BACK by THOMAS HARDY DEATH AND THE LADY; THEIR BARGAIN TOLD AGAIN by LEONIE ADAMS THE PERSIANS (PERSAE): THE BATTLE OF SALAMIS by AESCHYLUS |