Baloo, baloo, my wee, wee thing, O softly close thy blinkin' e'e! Baloo, baloo, my wee, wee thing, For thou art doubly dear to me. Thy daddie now is far awa', A sailor laddie o'er the sea; But hope ay hechts his safe return To you, my bonnie lamb, an' me. Baloo, baloo, my wee, wee thing, O saftly close thy blinkin' e'e! Baloo, baloo, my wee, wee thing, For thou art doubly dear to me. Thy face is simple, sweet an' mild, Like ony simmer e'ening fa'; Thy sparkling e'e is bonnie black; Thy neek is like the mountain snaw. Baloo, baloo, my wee, wee thing, O saftly close thy blinkin' e'e! Baloo, baloo, my wee, wee thing, For thou art doubly dear to me. O but thy daddie's absence lang Would break my dowie heart in twa, Wert thou na left a dautit pledge, To steal the eerie hours awa'! | Discover our Poem Explanations and Poet Analyses!Other Poems of Interest...ONE WORD MORE by ROBERT BROWNING CARELESS CONTENT by JOHN BYROM DESERT FLOWERS by KEITH CASTELLAINE DOUGLAS A BALLAD OF TREES AND THE MASTER by SIDNEY LANIER THE HOUSE OF LIFE: 34. THE DARK GLASS by DANTE GABRIEL ROSSETTI SPRING IN WAR TIME by SARA TEASDALE SOLOMON AND THE WITCH by WILLIAM BUTLER YEATS |