AULD Scotlan's hert an' baith her lugs war dirlin', Whan thun'erin' waves o' soun' gaed rowin', swirlin' Aroun' the Abbey Craig o' auld grey Stirling, Frae hunner music ban's and bag-pipes skirlin.' Oh! blithe was she to see her buirdly callans In tens o' thousands pourin' frae their dwallin's, Baith Dukes and Lords, an' mony trades an' callin's— Oh! prood was she, an' big her fu' hert swallin's. Wi' cheers the verra lift amaist was riven, Frae mornin's drumlie broo the clouds war driven; The sun cam' lauchin' oot—sair had he striven To see us frae the twal-oors' hight o' heaven. An' sic a sicht his e'e o' fire ne'er saw, Cam' Kirk, cam' State, cam' "Army, Physic, Law;" Leddies an' lassies, bonny burdies a', An' mony gawsy wives, baith braid an' braw. The lowe o' freedom burns sae het an' clear In Scotlan's hert this mony hunner year, That spite o' traitor Scot or Southern jeer, To Wallace' name this tower o' strength she'll rear. An' by his treacherous doom, whilk aye she'll murne, An' by the Bruce, an' by red Bannockburn— To your immortal memories she will turn For ever—Wallace, Bruce, an' Bannockburn. | Discover our Poem Explanations and Poet Analyses!Other Poems of Interest...VILLANELLE OF CHANGE by EDWIN ARLINGTON ROBINSON THE SONG OF THE MAD WOMAN'S SON by KAREN SWENSON REVEL by ABUL HASAN OF SANTA MARIA CYNTHIA RETURNED FROM THE COUNTRY by PHILIP AYRES SONNETS OF MANHOOD: 37. NAPOLEON AT ST. HELENA by GEORGE BARLOW (1847-1913) STANZAS, COMPOSED WHILE WALKING ON WARREN HILL, EARLY SUMMER'S MORNING by BERNARD BARTON |