O! if ye're at Dumbarton Fair, Gang to the Castle when ye're there, And see a sicht baith rich and rare -- The nose o' Captain Frazer! Unless ye're blin' or unco glee't, A mile awa' ye're sure to see't, And nearer han' a man gangs wi't, The nose o' Captain Frazer! It's great in length, it's great in girth, It's great in grief, it's great in mirth, Tho' grown wi' years, 'twas great at birth -- The nose o' Captain Frazer! I've heard volcanoes loudly roarin', And Niagara's waters pourin', But oh! gin ye had heard the snorin' Frae the nose o' Captain Frazer! To wauken sleepin' congregations, Or rouse to battle sleepin' nations, Gae wa' wi' preachin's and orations, And try the nose o' Frazer! Gif French invaders try to lan' Upon our glorious British stran', Fear nocht if ships are no at han', But trust the nose o' Frazer! Just crack that cannon owre the shore, Weel ramm'd wi' snuff: then let it roar Ae heilan' sneeze; and never more They'll daur the nose o' Frazer! If that great nose is ever deid, To bury it ye dinna need; Nae coffin made o' wood or lead Could haud the nose o' Frazer! But let it stan' itsel', alane, Erect, like some big druid stane, That a' the warld may see it's bane, In memory o' Frazer! | Discover our Poem Explanations and Poet Analyses!Other Poems of Interest...FALLING ASLEEP by SIEGFRIED SASSOON TO A SISTER OF CHARITY by EDWIN GEORGE ALEXANDER EMBLEMS OF LOVE: 44. TEARS THE SYMPTOM LOVE by PHILIP AYRES MEMORY by AMANDA LUELLA BARLOW THE FLOWER GIRL (REIGN OF QUEEN ANNE) by WILLIAM ROSE BENET THE HERITAGE FOREGONE by WILLIAM ROSE BENET THE PYXIDANTHERA by AUGUSTA COOPER BRISTOL |