Tune Gilderoy From our Caledonian Loom I NOW hearsly blaws the winter's flaw, Bleak frae the gowling north, And fiercely drives the eddying snaw, Wi' dreadful tempest forth. But not the winter's angry flaw, Can rob my heart o' glee; While Bessy wha is far awa, Is faithfu' unto me. II Her linty locks adorn her pow, Like hawkies' milk her teeth, And he who pries her gratfu' mou' Sal taste the hawkies' breath. Her beauties, O, I prize them a' They fill my heart wi' glee, For Bessy who is far awa, Is faithfu' unto me. III Na mair I hear the laverocks sing, Wha joy'd my native clime; Na mair I see the gowans spring, In A' their gawdy prime. But Bessy sees and bears them a' And sae they gi' me glee, For Bessy wha is far awa, Is faithfu' unto me. IV Tho' like a plaintful ghaist I gae, In distant countries roam, Yet my sweet Bessy's heart sal be, To me a constant hame. To find that hame tho' Oceans awa O'er them in thought I flee, For Bessy wha is far awa, Is faithfu' unto me. V Tho' growsome death should close her e'en Before my love I greet, I grieve na, for in glory sheen, My Bessy I sal meet, Na sorrow sal our bliss annoy, We'll live in haly glee, And Bessy in the WORLD AWA, Sal faithfu' be to me. | Discover our Poem Explanations and Poet Analyses!Other Poems of Interest...STORIES ARE MADE OF MISTAKES by JAMES GALVIN CHANSON INNOCENTE: 2 by EDWARD ESTLIN CUMMINGS HIS GRANGE, OR PRIVATE WEALTH by ROBERT HERRICK WHAT SHALL IT PROFIT? by WILLIAM DEAN HOWELLS SONNET: ADDRESSED TO HAYDON (2) by JOHN KEATS ON A GRAVE AT GRINDELWALD by FREDERICK WILLIAM HENRY MYERS LET ALL THE EARTH KEEP SILENCE by LUCY A. K. ADEE |