O MISTRESS mine, till you I me commend All haill, my hairt sen that ye have in cure, For, but your grace, my life is near the end; Now let me nocht in danger me endure. Of lifelik luve suppois I be sure Wha wat na God may me some succour send, Then for your luve why wald ye I forfure? O mistress mine! till you I me commend. The winter nicht ane hour I may nocht sleep For thocht of you, bot tumbland to and fro, Me-think ye are into my armis, sweet, And when I wauken, ye are so far me fro; Alas! alas! then waukenis my woe, Then wary I the time that I you kend; War nocht gude hope, my heart wad burst in two, O mistress mine! till you I me commend. Sen ye are ane that has my hairt alhaill, Without feigning I may it nocht ganestand, Ye are the bounty bliss of all my bale, Baith life and death standis into your hand. Sen that I am sair bunden in your hand, That nicht or day, I wat nocht where to wend, Let me anis say that I your friendship fand. O mistress mine! till you I me commend. | Discover our Poem Explanations and Poet Analyses!Other Poems of Interest...FROM FRANCE by ISAAC ROSENBERG AN ANTE-BELLUM SERMON by PAUL LAURENCE DUNBAR THE LITTLE TURTLE by NICHOLAS VACHEL LINDSAY HOME, SWEET HOME, FR. CLARI, THE MAID OF MILAN by JOHN HOWARD PAYNE POLLY by WILLIAM BRIGHTY RANDS THE FLIGHT OF LOVE by PERCY BYSSHE SHELLEY |