A'kin's o' lads and men I see, The youngest and the auldest, The fair, the dark, the big, the wee, The blatest and the bauldest; An' mony a laughin' canty ane, An' mony a coaxin' sly man -- Hech, sirs! 'mang a' the lads that rin, I won'er wha'll be my man? I won'er whaur he is the noo? I won'er gin he's near me? An' whaur we'll meet at first, and hoo? An' when he'll come to spier me? I won'er gin he kens the braes, The bonnie braes whaur I ran? Was't there he leeved his laddie days? I won'er wha'll be my man? O, Guidsake! hoo I wish to ken The man that I'm to mairry; The ane among sae mony men -- I wish I kent a fairy, Or onybody that can see A faurer gate than I can; I won'er wha the chiel's to be? I won'er wha'll be my man? But, losh na! only hear to me, It's neither wise nor bonnie, In asking wha the lad may be -- I'll maybe ne'er get ony. But if for me, indeed, there's ane, I think he's but a shy man, To keep me cryin' late and sune, "I won'er wha'll be my man?" | Discover our Poem Explanations and Poet Analyses!Other Poems of Interest...AFTER VERLAINE by ANSELM HOLLO ODE: THE MEDITERRANEAN by GEORGE SANTAYANA A LECTURE UPON THE SHADOW by JOHN DONNE HIPPOLYTUS TEMPORIZES by HILDA DOOLITTLE ON THE RUINS OF A COUNTRY INN by PHILIP FRENEAU COBWEBS by CHRISTINA GEORGINA ROSSETTI |