Poetry Explorer

Classic and Contemporary Poetry

LADY ANNE BOTHWELL'S LAMENT; A SCOTTISH SONG by ANONYMOUS

First Line: "BALOW, MY BABE, LY [LIE] STILL AND SLEIPE [SLEEP]!"
Last Line: IT GRIEVES ME SAIR TO SEE THEE WEIPE
Subject(s): DISAPPOINTMENT;GRIEF;LOVE; SORROW;SADNESS;
Balow, my babe, ly stil and sleipe!
It grieves me sair to see thee weipe;
If thoust be silent, Ise be glad,
Thy maining maks my hart ful sad.
Balow, my boy, thy mither's joy!
Thy father breides me great annoy.
Balow, my babe, ly stil and sleipe!
It grieves me sair to see thee weipe.
When he began to court my luve,
And with his sugred words to muve,
His faynings fals and flattering cheire
To me that time did not appeire:
But now I see, most cruell hee,
Cares neither for my babe nor mee.
Balow, my babe, ly stil and sleipe!
It grieves me sair to see thee weipe.
Ly stil, my darlinge, sleipe awhile,
And when thou wakest sweitly smile:
But smile not, as thy father did,
To cozen maids; nay, God forbid!
But yette I feire, thou wilt gae neire,
Thy fatheris hart to face to beire.
Balow, my babe, ly stil and sleipe!
It grieves me sair to see thee weipe.
I cannae chuse, but ever will
Be luving to thy father stil:
Whaireir he gae, whaireir he ryde,
By luve with him maun stil abyde:
In weil or wae, whaireir he gae,
Mine hart can neir depart him frae.
Balow, my babe, ly stil and sleipe!
It grieves me sair to see thee weipe.
But doe not, doe not, prettie mine,
To faynings fals thine hart incline;
Be loyal to thy luver trew,
And nevir change hir for a new;
If gude or faire, of hir have care,
For womens banning's wonderous sair.
Balow, my babe, ly stil and sleipe!
It grieves me sair to see thee weipe.
Bairne, sin thy cruel father is gane,
Thy winsome smiles maun eise my paine;
My babe and I'll together live,
He'll comfort me when cares doe grieve;
My babe and I right saft will ly,
And quite forgeit man's cruelty.
Balow, my babe, ly stil and sleipe!
It grieves me sair to see thee weipe.
Fareweil, fareweil, thou falsest youth
That ever kist a woman's mouth!
I wish all maids be warned by mee,
Nevir to trust man's curtesy;
For if we doe but chance to bow,
They'll use us then they care not how.
Balow, my babe, ly stil and sleipe!
It grieves me sair to see thee weipe.


Home: PoetryExplorer.net