THE LAIRD O' LOGIE by ANONYMOUS

I will sing, if ye will hearken,
If ye will hearken unto me;
The King has ta'en a poor prisoner,
The wanton laird of Young Logie.
Young Logie's laid in Edinburgh chapel,
Carmichael's the keeper o' the key;
I heard a May lamenting sair
A' for the laird of Young Logie.
"Lament, lament, na, May Margaret,
And o' your weeping let me be;
For ye maun to the king yoursell,
And ask the life of Young Logie."
May Margaret has kilted her green cleiding,
And she's currlld back her yellow hair;
"If I canna get young Logie's life,
Farewell to Scotland for ever mair!"
When she came before the king,
She knelit low doon on her knee:
"It's what's your will wi' me, May Margaret,
And what needs a' this courtesie?"
"A boon, a boon, my noble leige,
A boon, a boon, I beg o' thee!
And the first boon that I come to crave,
It's to grant me the life o' Young Logie."
"O na, O na, May Margaret,
Na, in sooth it mauna be;
For the morn, ere I taste meat or drink,
Hee hanged shall Young Logie be."
She has stolen the king's redding-kaim,
Likewise the queen her wedding-knife;
And sent the tokens to Carmichael,
To cause Young Logie get his life.
She sent him a purse o' the red gowd,
Another o' the white monie;
And sent him a pistol for each hand,
And bade him shoot when he gat free.
When he came to the Tolbooth stair,
There he let his volley flee,
It made the king in his chamber start,
E'en in the bed where he might be.
"Gae out, gae out, my merrie men a',
And gar Carmichael come speak wi' me,
For I'll lay my life the pledge o' that,
That yon's the volley of Young Logie."
When Carmichael came before the king,
He fell low down upon his knee;
The very first word that the king spake,
Was, "Where's the laird o' Young Logie?"
Carmichael turn'd him round about,
I wat the salt tear blinded his ee,
"There came a token frae your grace,
Has ta'en the laird awa frae me."
"Hast thou played me that Carmichael? --
Hast thou played me that?" quoth he;
"The morn the Justice Court's to stand,
And Logie's place ye maun supplie."
Carmichael's awa to May Margaret's bower,
Even as fast as he may dree;
"O if Young Logie be within,
Tell him to come and speak with me."
May Margaret's turn'd her round about,
I wat a loud laughter gae she:
"The egg is chipp'd, the bird is flown,
Ye'll see nae mair o' Young Logie."
Tane is shipped at the pier o' Leith,
T'other at the Queen's Ferrie,
And she's gotten a father to her bairn,
The wanton laird of Young Logie.

Classic and Contemporary Poetry

Discover our Poem Explanations and Poet Analyses!

Other Poems of Interest...