My love he built me a bonny bower, And clad it a wi lilye flower. A brawer bower ye ne'er did see Than my true love he built for me. There came a man by middle day, He spied his sport and went away, And brought the king that very night, Who brake my bower, and slew by knight. He slew my knight to me sae dear. He slew my knight and poind his gear. My servants all for life did flee And left me in extremitie. I sew'd his sheet, making my mane, I watched the corpse myself alane, I watched his body night and day. No living creature came that way. I took his body on my back, And whiles I gaed, and whiles I sat. I digg'd a grave and laid him in, And happ'd him with the sod sae green. But think na ye my heart was sair When I laid the moul on his yellow hair? O think na ye my heart was wae When I turn'd about, away to gae? Nae living man I'll love again, Since that my lovely knight is slain. Wi ae lock of his yellow hair I'll chain my heart for evermair. | Discover our Poem Explanations and Poet Analyses!Other Poems of Interest...MAY AND DEATH by ROBERT BROWNING THE BELEAGUERED CITY by HENRY WADSWORTH LONGFELLOW THE PLUMPUPPETS by CHRISTOPHER DARLINGTON MORLEY SPRING, 1916 by ISAAC ROSENBERG CLERICAL OPPRESSORS by JOHN GREENLEAF WHITTIER THE TAXI by FRANKLIN PIERCE ADAMS A LAMENT FOR PERCY BYSSHE SHELLEY by WILLIAM EDMONSTOUNE AYTOUN |