Classic and Contemporary Poetry
ADDRESS TO A HAGGIS, by ROBERT BURNS Poet's Biography First Line: Fair fa' your honest, sonsie face Last Line: Gie her a haggis! Variant Title(s): To A Haggis Subject(s): Food & Eating | ||||||||
Fair fa' your honest, sonsie face, Great chieftain o' the pudding-race! Aboon them a' yet tak your place, Painch, tripe, or thairm: Weel are ye wordy o'a grace As lang's my arm. The groaning trencher there ye fill, Your hurdies like a distant hill, Your pin was help to mend a mill In time o'need, While thro' your pores the dews distil Like amber bead. His knife see rustic Labour dight, An' cut you up wi' ready sleight, Trenching your gushing entrails bright, Like ony ditch; And then, O what a glorious sight, Warm-reekin', rich! Then, horn for horn, they stretch an' strive: Deil tak the hindmost! on they drive, Till a' their weel-swall'd kytes belyve Are bent like drums; Then auld Guidman, maist like to rive, Bethankit! hums. Is there that owre his French ragout Or olio that wad staw a sow, Or fricassee wad make her spew Wi' perfect sconner, Looks down wi' sneering, scornfu' view On sic a dinner? Poor devil! see him owre his trash, As feckles as wither'd rash, His spindle shank, a guid whip-lash; His nieve a nit; Thro' blody flood or field to dash, O how unfit! But mark the Rustic, haggis-fed, The trembling earth resounds his tread. Clap in his walie nieve a blade, He'll mak it whissle; An' legs an' arms, an' hands will sned, Like taps o' trissle. Ye Pow'rs, wha mak mankind your care, And dish them out their bill o' fare, Auld Scotland wants nae skinking ware That jaups in luggies; But, if ye wish her gratefu' prayer Gie her a haggis! | Other Poems of Interest...SETTING THE TABLE by MATTHEA HARVEY WAITRESSING IN THE ROOM WITH A THOUSAND MOONS by MATTHEA HARVEY CANDIED YAMS' by TERRANCE HAYES DINNER OF HERBS by LOUISE MOREY BOWMAN THE BANQUET SONG by KENNETH KOCH SPLITTING AN ORDER by TED KOOSER A BARD'S EPITAPH by ROBERT BURNS A POET'S WELCOME TO HIS LOVE-BEGOTTEN DAUGHTER by ROBERT BURNS |
|