Poetry Explorer

Classic and Contemporary Poetry

TO ROSAMONDE: A BALADE, by                 Poet Analysis     Poet's Biography
First Line: Madame, ye ben of all beaute shrine
Last Line: Thogh ye to me ne do no daliaunce.
Variant Title(s): To Rosamond;to Rosemounde; A Balade
Subject(s): Beauty


MADAME, ye ben of al beaute shryne
As fer as cercled is the mappemounde;
For as the cristal glorious ye shyne,
And lyke ruby ben your chekes rounde.
Therwith ye ben so mery and so iocounde,
That at a revel whan that I see you daunce,
It is an oynement unto my wounde,
Thogh ye to me ne do no daliaunce.

For thogh I wepe of teres ful a tyne,
Yet may that wo myn herte nat confounde;
Your seemly voys that ye so smal out-twyne
Maketh my thoght in Ioye and blis habounde.
So curteisly I go, with love bounde,
That to my-self I sey, in my penaunce,
Suffyseth me to love you, Rosemounde,
Thogh ye to me ne do no daliaunce.

Nas never pyk walwed in galauntyne
As I in love am walwed and y-wounde;
For which ful ofte I of my-self divyno
That I am trewe Tristam the secounde.
My love may not refreyd be nor afounde;
I brenne ay in an amorous plesaunce.
Do what you list, I wil your thral be founde,
Thogh ye to me ne do no daliaunce.





Discover our Poem Explanations and Poet Analyses!


Other Poems of Interest...
Home: PoetryExplorer.net