Poetry Explorer- Classic Contemporary Poetry, MY AIN WIFE, by ALEXANDER LAING


Poetry Explorer

Classic and Contemporary Poetry

MY AIN WIFE, by                     Poet's Biography
First Line: I wadna gi'e my ain wife
Last Line: For ony wife I see.
Alternate Author Name(s): Laing Of Brechin, Alexander
Subject(s): Marriage; Mothers; Weddings; Husbands; Wives


I WADNA gi'e my ain wife
For ony wife I see;
I wadna gi'e my ain wife
For ony wife I see;
A bonnier yet I've never sen,
A better canna be --
I wadna gi'e my ain wife
For ony wife I see!
O couthie is my ingle-cheek,
An' cheerie is my Jean;
I never see her angry look,
Nor hear her word on ane.
She's gude wi' a' the neebours roun'
An' aye gude wi' me --
I wadna gi'e my ain wife
For ony wife I see.
An' O her looks sae kindlie,
They melt my heart outright,
When o'er the baby at her breast
She hangs wi' fond delight;
She looks intil its bonnie face,
An' syne looks to me --
I wadna gi'e my ain wife
For ony wife I see.




Discover our Poem Explanations and Poet Analyses!


Other Poems of Interest...
Home: PoetryExplorer.net