Poetry Explorer- Classic Contemporary Poetry, UP IN THE AIR, by ALLAN RAMSAY



Poetry Explorer

Classic and Contemporary Poetry

Rhyming Dictionary Search
UP IN THE AIR, by             Poet's Biography
First Line: Now the sun's gane out o' sight
Last Line: Dinna cheat, but drink fair,
Subject(s): Drinks & Drinking; Wine


Now the sun's gane out o' sight.
Beet the ingle and snuff the light:
In glens the fairies skip and sance,
And witches wallop o'er to France,
Up in the air
On my bonny grey mare.
And I see her yet, and I see her yet,
Up in the air
On my bonny grey mare.

The wind's drifting hail and sna'
O'er frozen hags like a foot ba',
Nae starns keek throw the azure slit,
'Tis cauld and mirk as ony pit,
The man I' the moon
Is carowsing aboon,
D'ye see, d'ye see, d'ye see him yet?
The man I' the moon
Is carowsing aboon,

Take your glass to clear your een,
'Tis the elixir hales the spleen,
Baith wit and mirth it will inspire,
And gently puffs the lover's fire,
Up in the air,
It drives away care,
Ha'e wi'ye, ha'e wi'ye and ha'e wi'ye lads yet,
Up in the air,
It drives away care,

Steek the doors, keep out the frost,
Come, Willy, gi'es about yer tost,
Til't lads, and lilt it out,
And let us ha'e a blythsom bowt,
Up wi' there, there
Dinna cheat, but drink fair,
Huzza, huzza, and huzza lads yet,
Up wi' there, there
Dinna cheat, but drink fair,





Other Poems of Interest...



Home: PoetryExplorer.net