Poetry Explorer- Classic Contemporary Poetry, THE MITHERLESS BAIRN, by WILLIAM THOM


Poetry Explorer

Classic and Contemporary Poetry

THE MITHERLESS BAIRN, by             Poem Explanation         Poet's Biography
First Line: When a'ither bairnies are hushed to their hame
Last Line: That god deals the blow, for the mitherless bairn!
Alternate Author Name(s): Inverary Poet, The
Subject(s): Babies; Children; Orphans; Infants; Childhood; Foundlings


WHEN a' ither bairnies are hushed to their hame
By aunty, or cousin, or frecky grand-dame,
Wha stands last and lanely, an' naebody carin'?
'T is the puir doited loonie, -- the mitherless bairn!
The mitherless bairn gangs to his lane bed;
Nane covers his cauld back, or haps his bare head;
His wee hackit heelies are hard as the airn,
An litheless the lair o' the mitherless bairn.
Aneath his cauld brow siccan dreams hover there,
O' hands that wont kindly to kame his dark hair;
But mornin' brings clutches, a' reckless an' stern,
That lo'e nae the locks o' the mitherless bairn!
Yon sister that sang o'er his saftly rocked bed
Now rests in the mools where her mammie is laid;
The father toils sair their wee bannock to earn,
An' kens na the wrangs o' his mitherless bairn.
Her spirit, that passed in yon hour o' his birth,
Still watches his wearisome wanderings on earth;
Recording in heaven the blessings they earn
Wha couthilie deal wi' the mitherless bairn!
O, speak him na harshly, -- he trembles the while,
He bends to your bidding, and blesses your smile;
In their dark hour o' anguish the heartless shall
learn
That God deals the blow, for the mitherless bairn!




Discover our Poem Explanations and Poet Analyses!


Other Poems of Interest...
Home: PoetryExplorer.net