Classic and Contemporary Poetry
ISAIAH: FIFTY-SECOND CHAPTER, by OLD TESTAMENT BIBLE First Line: Wauken, o wauken; on wi' yer might, o zioun! Cleed yo wi' Last Line: Israel's god, he's ahint yo! Subject(s): Religion; Scottish Translations; Theology | ||||||||
WAUKEN, O wauken; on wi' yer might, O Zioun! Cleed yo wi' yer braws, Jerusalem, Halie town! for nae mair sal win hame till thee, the ill-snedden tyke an' the loon. 2 Shake yersel weel frae the asse; up till yer dais sae heigh, Jerusalem! aff wi' the branks frae yer hals, Dochtir o' Zioun in thirldom! (3) For JEHOVAH himsel, quo' he: Ye war trokit awa' without fee; an' it's no wi' a siller plea, ye'se come hame again. 4 For it's sae quo' JEHOVAH himself: My folk intil AEgyp lan', langsyne they gaed down till bide, [an' war keepit thar:] an' sin-syne, the Assyrian han' on their head's been an unco guide, till thring them sair: 5 What mair can I thole syne, 's JEHOVAH'S word; that my folk suld be stown for nought? Wha ring owre hem, they mak them till dree, quo' the LORD; an' my name, ilka day gangs for ought! (6) Syne sae sal my folk weel ken my name; they sal ken i' that day, 'am the same God ay: I speak for mysel, an' come hame. 7 How braw on the hills sae heigh himlane, 's the feet o' the rinner wi' news till tell! wi' news it's a' lown, wi' word it's weel; wi' a sugh o' salvation for ilka chiel; that cries till Zioun, That God o' yer ain, he's King himsel! 8 Yer out-leukers syne, they sal lowse their tongue; they sal lowse their tongue, an' sal lilt fu' fain: they sal glow'r thegither, een till een; whan the LORD sal fesh hame again Zioun! 9 Blythe and break-out, lilt a' like ane, ye bourocks sae swak o' Jerusalem: for the LORD he has hearten'd his folk fu' kin'; he has e'en bought back Jerusalem. 10 The LORD he rax'd yont his halie arm, in sight o' the natiouns mony, O; an' ilk neuk o' the yirth sal tak tent an' learn, the health o' our God sae bonie, O! 11 Awa, awa, clean but frae the town; mak nor meddle wi' nought that's roun': awa frae her bosom; haud ye soun', wi' the gear o' the LORD forenent yo! 12 For it's no wi' sic pingle, ye'se gang the gate; nor it's no wi' sic speed, ye maun spang the spate: for the LORD, he's afore yo, ere an' late; an' Israel's God, he's ahint yo! | Discover our Poem Explanations and Poet Analyses!Other Poems of Interest...MYSTIC BOUNCE by TERRANCE HAYES MATHEMATICS CONSIDERED AS A VICE by ANTHONY HECHT UNHOLY SONNET 11 by MARK JARMAN SHINE, PERISHING REPUBLIC by ROBINSON JEFFERS THE COMING OF THE PLAGUE by WELDON KEES A LITHUANIAN ELEGY by ROBERT KELLY PSALM 104: THE MAJESTY AND MERCY OF GOD by OLD TESTAMENT BIBLE |
|