Poetry Explorer- Classic Contemporary Poetry, BRAW LADS O' GALLA WATER, by ROBERT BURNS



Poetry Explorer

Classic and Contemporary Poetry

Rhyming Dictionary Search
BRAW LADS O' GALLA WATER, by             Poet's Biography
First Line: Braw, braw lads on yarrow braes
Last Line: O that's the chiefest warld's treasure.
Subject(s): Rivers


Braw, braw lads on Yarrow braes,
They rove amang the blooming heather;
But Yarrow braes, nor Ettrick shaws
Can match the lads o' Galla Water.

But there is ane, a secret ane,
Aboon them a' I loe him better;
And I'll be his, and he'll be mine,
The bonnie lad o' Galla Water.

Altho' his daddie was nae laird,
And tho' I hae nae meikle tocher,
Yet rich in kindest, truest love,
We'll tent our flocks by Galla Water.

It ne'er was wealth, it ne'er was wealth,
That coft contentment, peace, or pleasure;
The bands and bliss o' mutual love,
O that's the chiefest warld's treasure.





Other Poems of Interest...



Home: PoetryExplorer.net