Poetry Explorer- Classic Contemporary Poetry, HIGHLAND HARRY, by ROBERT BURNS

Poetry Explorer

Classic and Contemporary Poetry

HIGHLAND HARRY, by             Poet's Biography
First Line: My harry was a gallant gay
Last Line: O for him, &c.

My Harry was a gallant gay,
Fu' stately strade he on the plain;
But now he's banish'd far away,
I'll never see him back again.

Chorus. -- O for him back again!
O for him back again!
I wad gie a' Knockhaspie's land
For Highland Harry back again.

When a' the lave gae to their bed,
I wander dowie up the glen;
I set me down and greet my fill,
And aye I wish him back again.
O for him, &c.

O were some villains hangit high,
And ilka body had their ain!
Then I might see the joyfu' sight,
My Highland Harry back again.
O for him, &c.

Other Poems of Interest...

Home: PoetryExplorer.net